Albisteak

Igartubeitiko Baratzea Azaroan

2017/11/01

Honelaxe dio esaera zaharrak: “azaroko eguna, argitu orduko iluna”. Ederki asko adierazten digu esaera honek azaroan murgildu orduko datorkiguna. Eguna mozten hasi da. Eguzkiak beheranzko joera hartzearekin batera, goi-mendietako artzainek ere, artaldea atzean dutela baserrirako itzulerari ekin diote. Honekin batera, historian zehar zeresana eman duen garia ereiten hasteko garaia izaten zen azaroan. Eta nola ez, gaztina erreak jateko eta baserrietako su ederra pizteko garaia, neguaren ataria. Besteak beste honako landaketak egiteko garaia da: marrubia, eskarola, borraja, porrua, ziazerbak, tipulina…

SAGARDO ASTEA 2017

2017/10/27

Igartubeitiko dolare zaharra beste behin bizi berritu da, eta jende ugari gerturatu da XVI. mendeko sagardogintza ikustera.

"HANDIA" FILMEA ETA IGARTUBEITI BASERRIA

2017/10/19

Arrakasta izaten ari den HANDIA filmearen zenbait zati XVI.en mendeko Igartubeiti Baserrian grabatu ziren.

Sagardo Astea, urriaren 4tik 13ra bitartean, bere 16. edizioan

2017/10/04

Sagardo Asteari hasiera emateko, Gipuzkoako Foru Aldundiaren XVI. Sagardo Lehiaketako irabazleei sariak banatuko zaizkie. Aurtengo edizio honetan, asteburuan eta San Sebastian Explore Region-en eskutik, Cider Truck-a bisitatuko gaitu, bertan, sagardoa eta Bertatik Bertara inguruko baserritarren elikagaiak dastatzeko aukera eskainiz. Bisitariek esperientzia ezberdinez gozatu ahal izango dute, zanpaketetaz, antzezpenetaz, kirikoketaz eta sagar erakusketaz.

Igartubeitiko baratzea urrian

2017/10/01

Urria ez da hilabete makala izango baserri eta nekazal munduan. Lana gogor egiteko garaia, baina esaerak dioen bezala, “udazkena, urte sasoirik ederrena”. Hilabete honetan baserria udatik negurako trantsizio aroan sartuko zaigu, udazkenean, aldaketa garaia iritsi da beraz baserrietara. Batez ere artoa, gaztainak, urrak, intxaurrak eta sagarrak izango dute garrantzia. Besteak beste honako landaketak egiteko garaia da: eskarola, ziazerba edo espinaka, tipulina, marrubia, aza...

Igartubeitiko baratzea irailean

2017/09/04

Herri jakinduriaren arabera, iraila iratzearen hilabetea dela esaten da, eta arrazoi faltarik ez. Iratzea, garoa izendatzeko beste izen bat da. Ikusiko dugun moduan, irailean garoak garrantzia handia izan du historian zehar, udazkenerako eta negurako ezinbesteko konpainia izan baita baserritarrentzat. Garoak baserrietan izan duen garrantziaren adierazle da Txomin Agirre idazleak 1912. urtean argitaratu zuen "Garoa" izeneko eleberri ospetsua.

Igartubeitiko baratzea abuztuan

2017/08/02

Abuztuko esaerak honela dio: “abuztuan azkenerantz, eguna doa indar beherantz”. Abuztuan uda bete-betean gabiltza. Baina baserri eta landa inguruetan ez da izango deskantsurako asti handirik. Izan ere, negurako ganbara betetzeko egin ahaletan murgiltzen hasteko garaia da nekazarientzat, hotzari eta goseari aurre egiteko. Honek adierazten digu denboraren nozioa ez dela denontzat berdina. Alegia eraikuntza sozial bat dela, testuinguru batetik bestera aldatzen dena.

Igartubeitiko baratzea eta ingurunea uztailean

2017/06/30

“Uztailean igitaia eskuan”. Uztaila udarako lehenengo uzta jasotzeko garaia da (uzta+ila). Historian zehar, uztailean baserriko lanak gariaren eta artoaren inguruan antolatzen ziren. San Fermin egunaren inguruan garia biltzen zen eta aldi berean artajorran egiten zen, kendutako hostoekin koltxoiak eta alfombrak egiten zituztelarik.

Ibilbide eta tailer didaktiko berriak 2017-2018 hezkuntza programan

2017/06/22

Igartubeiti Baserri Museoko hezkuntza programa maila ezberdinei dago zuzendua, eskola kurrikulumaren edukien osagarria izan nahi da eta euskal baserriaren historia, bilakaera eta bertan bizi ziren diren biztanleen eguneroko bizimodua erakusten du. Bestalde, ibilbide bakoitzean Igartubeiti Baserri Museora etorri baino lehenago eta ondoren egiteko jarduera ezberdinak ere proposatzen ditugu.

Uda Igartubeitin

2017/06/14

Ekaina, uztaila eta abuztuan ekintza zoragarriak Igartubeitin!

"Haria galtzen" erakusketa Igartubeitin

2017/06/08

Igartubeiti Baserri Museoan, ekainaren 10etik urriaren 1era ikusgai izango den erakusketa honek zuntza adierazpen artistiko gisa aldarrikatzen du, ikuspuntu berrietatik, historiaren eta euskal ohituren arteko harreman estua ezagutzera emateko aukera ere eskainiz.

Igartubeitiko baratzea eta ingurunea ekainean

2017/06/07

Honela dio esaerak: "Ekaina Eguzki Gaina". Eguzki ordu gehien dituen hilabetea da. Eta landa eremuko sineskerien arabera, hilabete magikoa da ekaina, eta ondorioz natura etengabe biziberritzen ari da sasoi honetan, misterioz eta magiaz beterik. Baratzean, tomateak, piperrak, alberjinia, albajaka, kalabazina, letxugak... landatzeko garaian gaude.

Baserri Eguna ekainak 18an

2017/06/07

Jardunaldi tematiko honetan, Igartubeitiko baratzera eta bere ingurunera bisita, umeentzako belar-meta tailerra eta bazkaria izango dira.

Igartubeitiko baratzea eta bere ingurunea maiatzean

2017/05/05

Esaerak dioenez, “maiatza, urteko ardatza”, hau da, landatzeko eta ereiteko garaian gaude.

Aste Santua Igartubeitin

2017/04/06

Igartubeitin Aste Santuan bisita gidatuak mokadutxoarekin eta familiek gailetak egiteko aukera izango dute apirilaren 15ean.

Emakumeak landa ingurunean V. Jardunaldia

2017/02/28

Emakumearen Nazioarteko Eguna ospatzeko topaketa, Igartubeitin, martxoak 12an.

Euskadiko Museo Enogastronomikoen Sareak atari berria aurkeztu du FITUR-en: GASTROMUSEUMS.COM

2017/01/19

Sei museok eta interpretazio zentrok osatzen dute sare hau, Euskadiko gastronomi produktu ezagunetariko batzuk gordetzen dituzten esentziak, ohiturak eta balioak bisitariei igortzeko asmoz.

Agur 2016

2017/01/05

Igartubeitik 15 urte bete ditu 2016an eta saiatu gara Museoa publiko mota ezberdinei eskainitako jarduera anitzen bitartez, ondarearen gizarteratzera zuzendutako egitasmoak antolatzen.

Artxiboa