Ezkio-Itsasoko eskolarekin garatzen ari garen proiektua da, eta Ezkio-Itsasoko baserrien eta bertan egiten diren lanen mapa osatuz amaituko da
"Ogibideak lehen eta orain" proiektuaren helburua baliabide didaktiko berriak sortzea da, belaunaldi berriei iraganeko bizimoduek, beharrek eta erabakiek egungo paisaian eta gizartean nola eragiten duten hausnartzen laguntzeko.
Azken bi urteotan honako ekintza hauek egin dira:
- Igartubeiti baserria arakatzea, ikasgelan, bisita birtual baten bidez, fitxa bat osatuz.
- Ikasleen bisita Igartubeiti Baserri Museora Sagardo Astean, bere dolarea martxan ikusteko eta sagar zukuaren elaborazioari buruz ikasteko, ondoren sagardoa lortzeko.
- Belaunaldien arteko topaketa ikasgelan Ezkio-Itsasoko baserrietako biztanleekin. Ikasleek galderak egin dizkiete eta erantzunak jaso dituzte. Baserrien eta bertako biztanleen argazki zaharrak eta egungoak ere ikusi ahal izan dira.
- Ikasgelan hazitegi bat sortzea, inguruko baserrietako haziez eta haiek lortutako haziez osatua.
- Igartubeitiko baratzean arto-haziak, letxugak, marrubiak eta kalabazinak landatzea eta ikasgelan lortutako haziak ere landatzea.
- Igartubeiti baserriko "Lorontziak: lorerik gabeko ontziak" erakusketa bisitatu eta bere obra sortu zuten erakusketan erakusteko.
- Ikasgelan artoaren gaia landu dute eta herriko baserrietako artoarekin "Eguzkiloreak" egin dituzte Igartubeitik eskainitako jarraibideekin.
