Igartubeiti zabalik abenduak 6, 7 eta 8an

Igartubeiti baserri museoa zabalik izango da abenduak 6, 7 eta 8an, asteburuetako ohiko ordutegian, 10:00etatik 14:00etara eta 16:00etatik 19:00etara. 

Egun horietan Euskararen Eguna dela eta, Euskara Jendea: gure hizkuntzaren historia, gure historiaren hizkuntza, Ibaizabal-Mendebalde eta Zenbat Gara kultura elkarteek ekoitzitako dokumentalaren Mugetan Gaindi izeneko atala eskainiko dugu. Zumalakarregi Museoarekin eta Untzi Museoarekin lankidetzan. Emanaldiak orduoro, abenduak 3tik 5era, 10:00etatik 14:00etara eta abenduak 6tik 8ra, 10:00etatik 14:00etara eta 16:00etatik 19:00etara.

Bestalde, hiru bisita gidatu eskainiko dira: 11:00etan euskaraz, 12:30 erdaraz eta arratsaldeko 17:00etan taldearen arabera.