Zer da Igartubeiti Baserria?

Euskal baserriaren historia, bilakaera eta bizitza gertutik ezagutzeko aukera

Hezkuntza

Gertutik ezagutu Igartubeiti Baserri Museoaren hezkuntza eskaintza zabala

Jarduerak
Igartubeiti baserrian urrian ospatzen den Sagardo Astea da jarduerarik zirraragarriena eta garrantzitsuena.

Egitasmoak
Epe luzerako egitasmo eta programak ekoizten ditugu Igartubeitin, gai ezberdinak modu zehatzean lantzen dituzten beste eragile batzuekin lankidetzan.

Baserria
Igartubeiti baserriak beste edozeinek baino hobeki islatzen du euskal baserriaren Urrezko Aroa esan diezaiokeguna.

PATRIM+
Igartubeiti baserri museoa, PATRIM+-en, mugaz gaindiko museo, ekomuseo eta interpretazio zentroen ondare sarearen partaide da.

Azken albisteak

Urtarrila neguaren bihotza

Urtarrila neguaren bihotza

2020/01/11

Urtarrilarekin urteari hasiera eman badiogu ere, neguak gurekin jarraitzen du; baserriak historian zehar ongi ikasi du neguak zer dakarren, ondorioz etxe barrura pausatzen du begirada. Garai honetan baserritarrak urte osorako jarduna antolatzen hasten dira. Beste zenbaitek aldiz, urte hasiera, sagardo uzta berriarekin lotuko dute. Urtarrilean hasten da txotx denboraldia, honela sagardotegiak ateak irekitzen dituzte beraien sagardoa kupeletik dastatzeko, botiletan sartu aurretik.

Igartubeiti Baserri Museoak eta Kutxa Ekoguneak “Areago Istorioak belarrietara Kontakizunak 4” argitalpen Ilustratua aurkezten dute

Igartubeiti Baserri Museoak eta Kutxa Ekoguneak “Areago Istorioak belarrietara Kontakizunak 4” argitalpen Ilustratua aurkezten dute

2019/12/21

Argitalpen honek Igartubeiti Baserri Museoak eta Kutxa Ekoguneak sustatutako Areago. Istorioak belarrietara euskarazko kontakizun bostgarren deialdira aurkeztutako kontakizunak biltzen ditu.

Abendua Igartubeitin

Abendua Igartubeitin

2019/12/15

Abenduarekin batera datorkigu negua. Hilabete honek ordea gure lurretan barrena izendapen ugari jaso ditu: loia edo lotazila (lo egiteko hilabetea), neguila, beltzila edota hotzaroa. Gaur erabiltzen dugun abendu hitzak ordea beste esanahi bat du, beste modu batera baina neguarekin ere lotu dezakeguna, izan ere latinezko “adventus” hitzetik dator, “jainkoaren etorrera” esan nahiko lukeena. Neguak beraz, bere hasieran eten bat dakar, atseden bat eta lo zorro bat, batez ere gure inguruan nabarituko duguna. Eta baserriak historian zehar neguak zekarren eraldaketara egokitu behar izan du: hotzera, ilunera eta bustira alegia.