Sagarra, Euskal Herriko fruiturik jatorrizkoena

2011/10/14 Sagarra
Igartubeiti Baserri Museoak ospatzen duen Sagardo Asteko programazioaren barne, urriak 5ean sagar motei buruzko jardunaldi bat antolatu genuen San Telmo Museoan, The Glutton Club, San Telmo Museoa, Bokado eta Euskal Sagardoaren lankidetzarekin.

Jardunaldiari hasiera emateko, Gipuzkoako Foru Aldundiko Garapen Pomologikoko teknikariak, Iñaki Larrañagak Bertako sagarraren erabilerak izeneko hitzaldia eskaini zuen.

Sagar mota desberdinen sailkapenari buruz aritu zen Iñaki, sagardotarako eta gordinik jateko baliagarriak direnak bereiztuz.

EHko sagar mota guztiak orokorrean sagardoa egiteko balio dute.
Sagardotarako direnak, Txalaka, Bostkantoi, Libra sagarra, esaterako, postreak egiteko ere baliagarriak dira.
Sagardotarako sagarrak, orokorrean, postrerako sagarrak baino azukre gutxiago dauka eta almidoi gehiago.
Sagardoa egiteko erabiltzen den sagarren artean mota hauek bereizten dira: mikatza,garratza, gozoa eta geza.
Sagardotarako sagarrik preziatuena errezila da, postreak egiteko erabilia, sagar erre edo konpotarako.
Mahaiko sagarra edo postrerako erabiltzen dena, orokorrean gordinik jaten dena da.  

Iñakik bibliografia ere aipatu zuen, Laffitte-ren Album Pomológico de Guipúzcoa, esaterako. 

Iñaki Larrañagaren hitzaldia San Telmo Museoan

Iñaki Larrañagaren hitzaldiaren ondoren, Iñigo Cojo, Bokadoko laborategiko arduradunak sagarrarekin egindako bi errezeta egin zituen, sagar cumble-a aranpasekin eta sagarra almibarretan

Sagar Crumble-a aranpasekin

Osagaiak:
2 sagar
120g Irin
120g Azukre beltza
100g Almendra hautsa
125g Gurina
4 aranpasa, sagardo pattarrean beratuak

15min.  180ºC                  *Esne-gain edo banilla helatua aukeran

Bol batean, irina, azukrea eta almendra hautsean bildu eta ondo nahastu.
Nahasketa honi, gurina pomadan gehitu, masa bat lortu arte. Gorde. 
Bestalde, sagarrei azala kendu eta 2 zent.etako dadoetan txikitu.
Sagarra txikitu ondoren, flaneretan edo labera sar daitezkeen moldeetan, sagarrak sartu, beratutako aranpasekin batera. 
Aurretik landutako masarekin moldeak osatu eta labean sartu 15 minutu  180ºtan.
Labetik atera ondoren, helatua ipini.

Sagarra almibarretan

Osagaiak:
4 sagar
Sagardoa (botila 1)
Sagar pattarra 40g.
150g Azukre
Limoi baten zukua
Laranja azala edo kanela

Lapiko batean, sagardoa, sagar pattarra, azukrea, limoi zukua eta laranja azala. Sutan ipini irekin arte. 
Sagarrei azala kendu eta txikitu ez oso zati lodietan.
Sagarrak lapikoan sartu eta almibarrean egosi 15 minutu gutxigorabehera.
Zerbitzatzeko, kristalezko kopa bat erabiliko dugu.


 

Bitartean, sagar mota desberdinak eta zenbait gutixi dastatzeko aukera ere izan genuen: Sagar zukua, erremolatxa eta gazta esferikoa; Odolkia konpotarekin eta brontze koloreko sagarra. 

Brontze koloreko sagarrakSagar zukua, erremolatxa eta gazta esferikoa   Odolkia konpotarekin

 

Sagar edo sagardoarekin egindako beste errezeta batzuk.