EL CIELO GIRA
Zuzendaritza: Mercedes Álvarez
Urtea: 2005
Iraupena: 115'
Hizkuntza: espainiera.
Sinopsia:
Aldeaseñor herrian, Soriako probintzia hustuan, 14 biztanle baino ez dira geratzen. Gazteenak 48 urte ditu; zaharrena, berriz, 1900ean jaiotako emakume bat da. Biztanleen azken belaunaldia dira, zortzi mende baino gehiagoko etengabeko historiaren ondoren. Laster, herriko bizitza zalapartarik gabe eta beste lekukorik gabe iraungiko da. Bisitariarentzat, paramo- eta gainalde-paisaia hori modu bitxian kontserbatzen da, osorik eta birjinalki, denboraren aldaketaren aztarnarik eta arrastorik gabe. Mundu hau margolari baten interes pertsonal eta artistikoen parte da, Pello Azketa, 48 urtekoa, herrira bere emaztearekin iritsiko dena, etxe bat alokatu eta bertan denboraldi labur bat emateko asmoarekin.
VACAS 
Zuzendaritza: Julio Medem
Urtea: 1992
Iraupena: 93’
Hizkuntza: espainiera.
Sinopsia:
Hiru belaunalditan zehar, Gipuzkoako haran txiki bateko bi familiek (Irigibeltarrak eta Mendiluzetarrak) harreman bihurriak dituzte, indarkeriak, lehia gorrotagarriak eta grina mingarrienek eraginda.
Historia Gipuzkoan hasten da, 1875ean. Karlisten lubaki batean, gerra garaian, Manuelek, aizkolari ospetsu batek, bizirautea lortzen du gorpu baten odolarekin zikinduz eta hiltzat joz. Gorpuak garraiatzen dituen gurdi batetik ihes egitean behi handi batekin topo egiten du. Bere presentziak bere bizitza osoan obsesio bihurtuko den sentsazio arraro bat sortzen dio. Hortik abiatuta, hiru belaunaldiren historia kontatzen da, 1936an Espainiako Gerra Zibila hasi zen arte.
AMAMA 
Zuzendaritza: Asier Altuna
Urtea: 2015
Iraupena: 99’
Hizkuntza: euskara.
Sinopsia:
Familia bat, bi mundu. Jatorri bat, bi norabide. Baserria eta kalearen arteko gatazka, tradizioaren eta bizimodu berriaren arteko talka, guraso eta seme-alaben arteko ezin ulertua. Bizitza ulertzeko eta bizitzari aurre egite bi modu,elkarren aurka. Eta badoan mundu baten eta badatorren beste baten aurrean, lekuko isil, amama.
IRASKO. MAYA-AGUIRRE, UN SIGLO DE PASTOREO EN FALCES
Zuzendaritza: Juan Mari Beltrán. 
Urtea: 2019
Iraupena: 70’
Hizkuntza: espainiera, azpitituluak euskaraz.
Sinopsia:
Nafarroako hegoaldean kokatuta dagoen Faltzes herriko artzaina den Javier Martínez Ciriza da pelikula honetako protagonista. Artzain hau Maya eta Aguirre abeltzain familien oinordekoa da eta Juan Mari Beltranek zuzendutako pelikula honetan herri hartako artzainen berri eta haien lanbidearen berri ematen du Javierrek. Haren arbasoekin batera aritu diren artzain eta abeltzainei buruzko informazio ugari emateaz gain, berak bere baitan artzantzaren azken hamarkadetako eboluzioa ezagutu du eta dokumentu honetan hori guztia azaltzen du.
GAZTA
Zuzendaritza: Mikel Urretabizkaia. 
Urtea: 2022
Iraupena: 72’
Hizkuntza: euskara, espainiera.
Sinopsia:
Idiazabal gaztaren unibertsoan zeharreko bidaia, aparteko pertsonaia batzuen eskutik. Adibidez, Eli Arrillaga; 24 urte zituela alargun geratu zenean, senarraren lanbidean artzain jarraitzea edo Zarauzko hiri-ingurura itzultzea erabaki behar izan zuen. Elik artzaintzan jarraitu zuen, eta gazta horren ekoizle handietako bat da egun. Edo Juan Mari eta Elena Arzak, Eneko Atxa, Joan Roca, Martín Berasategui, Pedro Subijana eta Andoni Luis Aduriz bikainak; ongi dakite zein garrantzitsua den kalitate handiko artisau-produktua izatea, haien sukaldari-lan zorrotzean ederki egokitu dadin. Urbia, Aralar eta Gorbeia mendikateetan eta Nafarroako goi-mendietan, artzainek kontu handiz zaintzen dituzte latxa arrazako artalde preziatuak, kalitate handieneko produktu bat lortzeko, Ordiziako hitzorduan urteko gazta bikainenaren lehia irabazteko modukoa.
AINARAK
Zuzendaritza: Juan San Martín, Ritxi Lizartza. 
Urtea: 2022
Iraupena: 75’
Hizkuntza: euskara, espainiera, frantsesa eta aragoiera.
Sinopsia:
Anne Etchegoyen abeslariaren eskutik, ehundaka emakume aragoiar eta nafarrek 1870 eta 1940. urteen bitartean urtero Pirinioetatik zehar Zuberora egindako bidea ezagutuko dugu. Ainarak ezizenarekin ezagutuak (ainaren antzerako emigrazioa egiten baitzuten), emakume gazte hauek udazkenean hasten zuten euren bidaia: familia eta bizilekua atzean utzi eta Iparraldera emigratzen zuten, bertako alpargata industrian lan egitera. Udaberrian, mendietako elurrak urtzean, berriz ere buelta egiten zuten etxeruntz. Generoa, urtaroko nahitaezko migrazioa eta lan-egoerak baldintzatutako bizimoduak ardatzat izango dituen film honi esker ezagutuko dugu nortzuk izan ziren ainarak.